Бишкек, 17.09.25. /Кабар/. Улуттук гвардиянын аскер бөлүктөрүндө командалык-штабдык машыгуулар өтүүдө. Бул тууралуу мекемеден билдиришти.
Маалыматка ылайык, иш-чаранын алкагында бөлүктөрдүн командирлери жана штаб кызматкерлери реалдуу шарттарга жакын кырдаалда башкаруу жана өз ара аракеттенүү боюнча көндүмдөрүн чыңдашууда.
Машыгуулардын негизги максаты — ар кандай согуштук сценарийлерге ылайык иштелип чыккан пландардын натыйжалуулугун текшерүү, башкаруу органдарынын ишиндеги ырааттуулукту камсыз кылуу жана аскер бөлүктөрүнүн биргелешкен аракеттерин жакшыртуу болуп саналат.
"Аскер кызматкерлери өздөрүнүн уюшкандыгын, ыраттуулугун жана күжүрмөн тапшырмаларды аткаруудагы даярдыгын ийгиликтүү көрсөтүштү",-деп айтылат маалыматта.
