Бишкек, 03.06.25 /Кабар/. Бишкекте «Улуттук баалуулуктар айыл чарбадан башталат» аттуу көргөзмө-жарманке өтүүдө. Бул тууралуу Суу ресурстары, айыл чарба жана кайра иштетүү өнөр жай министрлигинен билдиришти.
Иш-чарада кыргыз элинин улуттук баалуулуктарын чагылдырган өзгөчө көргөзмөлөр орун алган. Атап айтканда:
- улуттук тамак-аш жана суусундуктар;
- этно кийимдер жана уз-чеберлердин кол өнөрчүлүк буюмдары;
- музыкалык аспаптар, зер жана тиричилик буюмдары;
- тери жыгач жасалгалары жана ата мекендик кайра иштетүү өндүрүшүнүн продукциялары.
Иш-чаранын алкагында мастер-класстар, агрардык тармактагы иштер боюнча маалыматтар, улуттук баалуулуктар тууралуу тааныштыруу сабактары жана консультациялар өткөрүлүүдө.
Белгилей кетсек, бул иш-чара ата мекендик товар өндүрүүчүлөрдү колдоого, кайра иштетүү өнөр жайын өнүктүрүүгө жана улуттук баалуулуктар менен айыл чарбанын байланышын чыңдоого багытталган.
Көргөзмө-жарманке Бишкек шаары, Киев көчөсү 96А дарегиндеги Агропром имаратынын алдында өткөрүлүп, 2025-жылдын 6-июнуна чейин уланат.
Кошумча маалымат алуу үчүн төмөнкү номерге байланышсаңыздар болот:
0555 34 60 60 (Искак Анарбеков)
