Бишкек, 05.09.25. /Кабар/. Бүгүн Ысык-Көл облусунда Улуттук коопсуздук мамлекеттик комитетинин төрагасынын кубогу үчүн спорттун оюн түрлөрү боюнча жыл сайын өтүүчү республикалык спартакиада аяктады. Бул тууралуу атайын кызматтан билдиришти.
Спартакиадага УКМКнын бардык аймактык башкармалыктарынын, 9-кызматтын, "Альфа" АККтын, ошондой эле Чек ара кызматынын кызматкерлери жана ардагерлер катышты.
Мурда маалымдалгандай, иш-чара спорттун төмөнкү түрлөрү боюнча өткөрүлдү: эркектер арасында спорттун командалык түрлөрү – футбол, волейбол, баскетбол, жеке спорттун түрлөрү – шахмат, аялдар үчүн – 3000 метрге эстафеталык чуркоо, дартс, 3х3 баскетбол.
Спартакиаданын жабылыш аземинде УКМКнын төрагасыКамчыбек Ташиев расмий сөз сүйлөп, спорттук иш-чаранын баардык катышуучуларына ыраазычылык билдирип, кызматкерлердин ыкчам-кызматтык ишмердүүлүгүнүн жогорку натыйжалуулугун камсыз кылуунун бирден-бир өбөлгөсү катары спортту өнүктүрүүнүн жана аскер кызматчыларынын дене тарбиялык даярдыгынын деңгээлин жогорулатуунун маанилүүлүгүн, спорт менен үзгүлтүксүз машыгуу тартипти, командалык маанайды жана жалпы күжүрмөн даярдыкты чыңдоого жардам берерин белгиледи.
Спорттук иш-чара сергек жашоо образын жайылтуу, кызматкерлер арасында мыкты спортчуларды аныктоо, ошондой эле күч түзүмдөрүндө командалык дымакты чыңдоо максатында өткөрүлүүдө.
Спартакиаданын жалпы жыйынтыгы боюнча жеңүүчүлөргө төраганын кубогу жана баалуу белектер ыйгарылды.
