Бишкек, 20.03.26. /Кабар/. Күн мурун Курманжан Датка атындагы Көчмөн цивилизация борборунда Нооруз майрамынын алдында "Уңгужол" доктринасына арналган маданий иш-чара өттү. Бул тууралуу Маданият, маалымат жана жаштар саясаты министрлигинен билдиришти.
Иш-чарага мектеп окуучулары, мугалимдер, жергиликтүү коомчулуктун өкүлдөрү жана чыгармачыл инсандар катышты.
Анда улуттук маданияттын элементтери көрсөтүлүп, жаш муунду тарбиялоодо улуттук баалуулуктардын мааниси кеңири талкууланды. Айрыкча үй-бүлөнүн ролу, эне тилдин орду жана тарыхый эс тутумду сактоо маселелерине көңүл бурулду.
Иш-чаранын алкагында салтка ылайык сүмөлөк даярдалып, катышуучуларга берилди. Мындан тышкары, билим берүү мекемелери менен музейлердин муундар ортосундагы байланышта, улуттук салттарды жана маданий мурастарды жайылтуудагы орду өзгөчө белгиленди.
