Бишкек, 13.04.26 /Кабар/. Тоң районунун Туура-Суу айылында Зындан тоо көлүнөн коргоочу дамба курулду. Бул тууралуу Өзгөчө кырдаалдар министрлигинен билдиришти.
Маалыматта белгиленгендей, 284 метрлик селден коргоочу дамба Туура-Суу айылын жана ага чектеш аймактарды селден коргоо максатында курулду. Ал андан ары пайдалануу жана тейлөө үчүн жергиликтүү бийликке өткөрүлүп берилди.
"Курулуш иштери ӨКМдин Аймактарды коргоо боюнча региондор аралык борбору тарабынан жүргүзүлүп, ЮНЕСКОнун “GLOFCA — Борбор Азия аймагындагы калктын климаттын өзгөрүшүнө байланыштуу тобокелдиктерге туруктуулугун жогорулатууга багытталган долбоору” тарабынан каржыланды",-деп айтылат билдирүүдө.
