Бишкек, 30.11.25. /Кабар/. Түркиянын аймагында Кыргызстандын Жогорку Кеңешинин депутаттарын мөөнөтүнөн мурда шайлоого жалпысынан 8 шайлоо тилкеси ачылды. Бул тууралуу Кыргызстандын аталган өлкөдөгү элчигинен билдиришти.
Маалыматка ылайык, анын ичинен:
- №9036 шайлоо тилкеси — Кыргызстандын Анкара шаарындагы элчилиги;
- №9077 шайлоо тилкеси — Түркиянын Кайсери шаарында;
- №9078 шайлоо тилкеси — Түркиянын Эскишехир шаарында;
- №9035 шайлоо тилкеси — Кыргызстандын Стамбул шаарындагы башкы консулдугу;
- №9079 шайлоо тилкеси — Түркиянын Бурса шаары;
- №90 80 шайлоо тилкеси - Түркиянын Измир шаары;
- №9056 шайлоо тилкеси - Кыргызстандын Анталия шаарындагы башкы консулдугу
- №9081 шайлоо тилкеси — Түркиянын Алания шаарында.
Кыргызстандын Түркиядагы элчиси Руслан Казакбаев элчиликте ачылган №9036 шайлоо тилкесинде биринчилерден болуп добуш берди.
Түркиянын аймагындагы шайлоо тилкелери жергиликтүү убакыт боюнча саат 20:00гө чейин ачык болот.
Элчилик Кыргызстандын ар бир жаранын конституциялык шайлоо укугун ишке ашырууга чакырат.
Белгилей кетсек, бүгүн Кыргызстанда Жогорку Кеңештин депутаттарын мөөнөтүнөн мурда шайлоо өтүүдө. Өлкө боюнча 30 көп мандаттуу округ түзүлгөн. Ар бир округдан үчтөн депутат парламентке шайланып келет. Жалпысынан Жогорку Кеңеш 90 депутаттан турат. Шайлоочулардын акыркы тизмесинде 4 млн 294 миң 243 жаран бар.
