Бишкек, 29.12.25. /Кабар/. Бүгүн башкы Түп районунун прокуратурасынын жаңы административдик имараты ачылды. Бул тууралуу Башкы прокуратурадан билдиришти.
Белгиленгендей, Түп районунун прокуратурасынын кызматкерлери буга чейин 1970-жылы сактоо кассасы катары курулган, эксплуатациялык мөөнөтү өткөн имаратта иш жүргүзүп келишкен.
2025-жылдын июль айында жаңы административдик имараттын курулушу башталып, жыйынтыгында заманбап талаптарга жооп берген жаңы административдик имарат салынып, ишке берилди.
