Бишкек 29.05.25 /Кабар/. Чүйдө эс алууга тоого чыгып, бутун кокустатып алган бала куткарылды.
Өзгөчө кырдаалдар министрлигинен билдиришкендей, Чүй облусунун Аламүдүн районундагы Беш-Күнгөй айылынын тоосуна эс алууга чыккан 2008-жылы туулган Б.Э. аттуу жаш бала жыгылып, бутун кокустатып алып, түшө албай калгандыгы тууралуу маалымат түшкөн.
Жерине куткаруу иштерин жүргүзүүгө Аламүдүн райондук №1 өрт-куткаруу бөлүгүнөн 4 куткаруучу тартылып, аталган жаш баланы тоодон түшүрүп, тез жардам кызматына өткөрүп беришкен. Абалы орто.
