Бишкек, 27.04.26. /Кабар/. Өткөн жуманын жыйынтыгы менен Ысык-Көлдөн 22 миң метрден ашык мыйзамсыз тор чыгарылды.
Облустук милициядан билдиришкендей, көлдү мыйзамсыз тордон тазалоо иштери туристтик-экологиялык милиция кызматкерлери тарабынан жүргүзүлдү.
Натыйжада көлдүн түбүнөн жана жээк аймактарынан жалпы узундугу 22 миң 100 метрди түзгөн эски синтетикалык балык уулоочу торлор чыгарылды.
Ошондой эле иш-чаранын алкагында жергиликтүү тургундар жана эс алуучулар арасында экологияны сактоого багытталган түшүндүрүү иштери жүргүзүлдү.
