Бишкек, 15.09.24. /Кабар/. Кечээ, 14-сентябрда Токтогул шаарында толугу менен жаңыланган Эргеш Ормонов атындагы стадион салтанаттуу түрдө ачылды.
Улуттук коопсуздук мамлекеттик комитетинен билдиришкендей, иш-чарага Кыргыз футбол биримдигинин президенти Камчыбек Ташиев катышып, жаңы аренадагы алгачкы оюн – «Токтогул» менен «Базар-Коргон» командаларынын беттеши менен уланды.
Ташиев бул стадион жаштардын спортко болгон кызыгуусун арттырып, улуттук биримдикти жана достукту чыңдоого өбөлгө болорун белгиледи.
Жаңы стадион тууралуу:
- Жалпы аянты — 2 гектар;
- Отургучтар саны — 3 450;
- VAR-системасы, медиа жана VIP-бөлмөлөр менен жабдылган;
- Жасалма чөп жана кечки жарык берүүчү система орнотулган:
Белгилей кетсек, бул спорттук комплекс 1980-жылы курулган эски стадиондун ордуна салынып, 2024-жылдын май айында Ташиев менен Жапаровдун демилгеси аркылуу кыска убакытта модернизацияланган.
