Бишкек, 10.03.26. /Кабар/. Токтогул районунда социалдык объектилердин курулушу өз нугунда уланууда. Бул тууралуу райондук администрациядан билдиришти.
Бүгүн аким Акылбек Тюкебаев бир катар маанилүү курулуш аянтчаларында болуп, иштин жүрүшү менен жеринен таанышты. Атап айтканда, аким төмөнкү объектилерди кыдырды:
- 100 орундуу оорукананын имараты;
- Жаңы реабилитациялык борбор;
- "Таласбай" кичи районундагы 750 орундуу жаңы мектеп;
- 140 орундуу жаңы бала бакча.
Район акими подрядчы уюмдарга курулуштун сапатына өзгөчө басым жасоону жана графикте көрсөтүлгөн мөөнөттөрдү так сактоо боюнча бир катар тапшырмаларды берди.
