Бишкек, 25.12.25. /Кабар/. Мамлекеттик жана саясий ишмер Токон Мамытов "Кабар" агенттигине берген комментарийинде Элдик курултай — коомду бириктирүүчү фактор гана эмес, бийлик менен жарандардын ортосундагы барган сайын натыйжалуу болуп жаткан саясий өз ара аракеттенүү куралы экенин белгиледи
"Элдик курултайдын учурдагы форматы мамлекет башчысынын коом үчүн эң сезимтал жана талаштуу маселелер боюнча түз диалогго чыгууга даяр экенин көрсөткөн маанилүү саясий сигнал болуп саналат. Бул — алдын ала аныкталган күн тартиби жок, салттуу пресс-форматтарга мүнөздүү чыпкаларсыз коом менен түз жана ачык сүйлөшүүгө жасалган аракет. Бул жерде сөз коомдогу нааразычылыкты жана сын-пикирлерди институционалдык нукка салуу, аларды социалдык тармактар, ушак-айыңдар жана көчө маанайы сыяктуу бейрасмий мейкиндиктен ачык-айкын жана башкарылуучу талкуу формасына өткөрүү аракети тууралуу болуп жатат", - деп эсептейт Мамытов.
Буга байланыштуу эксперт бийликтин көйгөйлөрдөн качпай, коомчулукту кызыктырган суроолор менен жакындан алектенүүгө болгон ниетин көрсөткөн бир нече маанилүү аспектилерди белгиледи.
"Элди тынчсыздандырган "каалаган темаларды" ачык талкуулоо — бийлик үчүн ар дайым тобокелчилик жана ошол эле учурда жетишээрлик деңгээлде тайманбас кадам. Бул көзөмөлдөнгөн диалогдон баш тартууну жана коомдогу реалдуу, объективдүү көйгөйлөрдү угууга жана талкуулоого даярдыкты билдирет.
Мындай формат жана мамиле президенттин диалог учурунда бюрократиялык чыпкаларга жол бербестигин көрсөтөт, ошондой эле коомдогу көйгөйлөрдү жана альтернативдүү баалоолорду жеке өзү түз угууга даяр экенин айгинелейт. Бул — республиканын башкаруу аппараты жана анын кызматкерлери үчүн тартипке чакыруучу фактор, мамлекет башчысынын жеке үлгүсү болуп саналат.
Партиялык системанын чабалдыгы, парламенттин ролунун чектелиши жана ЖМКга болгон ишеним учураган шартта Элдик курултай иш жүзүндө коомдук коммуникация менен диалогду камсыз кылуучу компенсациялык механизмдин функциясын аткарууга аракет кылууда.
Өзгөчө белгилей кетүүчү жагдай, президенттин курултайда айтылган реалдуу жана объективдүү көйгөйлөрдү угуп, аларды тийиштүү чечимдерге жана чараларга трансформациялоого даярдыгын баса белгилөө зарыл", - дейт Токон Мамытов.
