Бишкек, 29.07.26. /Кабар/. Күн мурун Чүй облусунун Токмок шаарында милициянын көчмө кабылдамасынын ачылыш аземи болуп өттү.
Чүй облустук милициясынан билдиришкендей, милициянын көчмө кабылдамасы шаардын аймагында жана ага чектеш калктуу конуштарда кызмат көрсөтүп, жарандарга жана туристтерге жеткиликтүү укуктук жардам берүүгө багытталган.
Бул жерге жергиликтүү тургундар жана туристтер ар кандай көйгөйлөрү жана суроолору боюнча кайрылып, укуктук кеңеш жана милиция кызматкерлеринин жардамын ала алышат. Ар бир кайрылуу мыйзамдын талаптарына ылайык ыкчам каралып, тиешелүү чаралар көрүлөт.
