Бишкек, 20.11.25. /Кабар/. Тогуз-Торо районуна караштуу Карл Маркс айылында эки кабаттуу жаңы мектептин курулушу уланууда.
Курулуш, архитектура жана турак жай-коммуналдык чарба министрлигинен билдиришкендей, мектептин жалпы аянты 1376 чарчы метрди түзөт.
Мурдагы 130 орундуу мектептин курулушу 14 жыл мурда башталып, 8 жылдан кийин гана бүткөрүлгөн. Бирок, 6 жылдан соң өрт кырсыгынан улам колдонуудан чыгып калган.
Ал эми жаңы мектептин курулушу 2025-жылдын июнь айында башталып, 2026-жылдын аягына чейин бүткөрүү пландалууда.
Долбоорго ылайык, эки кабаттуу мектепте окуучулар жана мугалимдер үчүн бардык заманбап шарттар каралып, президенттин фондунан каржыланууда.
