Бишкек, 03.10.25. /Кабар/. Тоң районундагы Бар-Булак – Жылуу-Суу унаа жолунун 4 чакырымына асфальт төшөлдү. Бул тууралуу Транспорт жана коммуникациялар министрлигинен билдиришти.
Маалыматка ылайык, курулуш иштери мамлекеттик капиталдык салымдар беренесинин эсебинен каржыланып, "Кыргызавтожол-Түндүк" мамлекеттик ишканасынын № 10 Жол тейлөө ишканасы тарабынан аткарылды.
Жолдун жаңыланышы аймактагы тургундар үчүн гана эмес, эс алуу жана дарылануу максатында келген туристтер үчүн да чоң мааниге ээ.
