Бишкек, 13.03.26. /Кабар/. Тоң районунун аймагында мыйзамсыз аңчылыкка жана балык уулоого каршы багытталган рейддик иш-чаралар өткөрүлдү. Бул тууралуу Ысык-Көл облустук милициясынан билдиришти.
Рейддин алкагында Тоң жана Кажы-Сай айылдарындагы бир нече үйдө тинтүү иштери жүргүзүлүп, натыйжада төмөнкүлөр табылды:
- Кажы-Сай айылынын 1980-жылы туулган тургуну О.И.нин үйүнөн 1 даана 16-калибрдеги сайсыз курал жана 5 даана ок алынды;
- Тоң айылынын 1955-жылы туулган тургуну Ж.О.нун үйүнөн 1 даана сайлуу ок атуучу курал жана 23 даана ок алынды;
- Ушул эле айылдын 1956-жылы туулган тургуну Ж.Б.нын үйүнөн 1 даана сайсыз ок атуучу курал жана 23 даана ок алынды.
Алынган куралдардын тиешелүү документтери болгон эмес. Курал ээлерине карата протоколдор толтурулуп, мыйзам чегинде тийиштүү чаралар көрүлдү.
