Бишкек, 02.03.26. /Кабар/. Ош шаарынын коомдук жайларында жана көчөлөрүндө жол кыймылына тоскоолдук жаратып, Орозо айында жарамазан айтып жүргөн балдардын коопсуздугун камсыз кылуу максатында рейддер жүрүүдө. Бул тууралуу мэриядан билдиришти.
Маалыматка ылайык, иш-чаранын жүрүшүндө түнкүсүн көчөдө жүргөн балдарга жана алардын ата-энелерине түшүндүрүү иштери жүргүзүлүп, эскертүүлөр берилүүдө.
Рейд 28-февралдан 3-мартка чейин улантылып, шаардын бардык аймагы текшерүүгө алынат.
Ош шаарынын мэриясы тургундарды кечкисин балдарынын көчөгө чыгуусун көзөмөлдөп, алардын коопсуздугун камсыз кылууга чакырат.
