Бишкек, 06.03.26. /Кабар/. Түндүк-Түштүк альтернативдик унаа жолунун Арал – Казарман участогунун 243-296-чакырым аралыгында тоо бетинен түшкɵн таштарды тазалоо иштери активдүү жүрүүдɵ. Бул тууралуу Транспорт жана коммуникациялар министрлигинен билдиришти.
Маалыматка ылайык, тазалоо иштери №18 Жол тейлөө ишканасы тарабынан уланууда. Учурда бир тараптуу каттам бар.
Ошондой эле аба ырайынын ɵзгɵрүшүнɵн улам Ош – Сары-Таш – Эркечтам унаа жолунун 103-чакырымына дагы тоодон чоң кɵлɵмдɵгү таштар кулады. Жеринде техниканын жардамы менен тазалоо иштери жүрүүдɵ.
