Бишкек, 15.02.26. /Кабар/. Түндүк-Түштүк альтернативдик унаа жолуна түшкөн кар көчкү тазаланып, бир тараптуу каттам берилди. Бул тууралуу “Кыргызавтожол-Түндүк” ишканасынын басма сөз кызматынан билдиришти.
Маалыматка ылайык, №18 Жол тейлөө мекемеси тарабынан атайын техника тартылып, тазалоо иштери уланууда.
Эске салсак, 12-февралда Түндүк–Түштүк альтернативдик унаа жолунун Арал–Казарман тилкесинде (243–296-чакырымы) кар көчкү түшкөн. Буга байланыштуу жол эки тараптуу жабылган.
