Бишкек, 28.08.25. /Кабар/. Бүгүн Тышкы иштер министрлигинде мамлекеттик тилде сабаттуулукту жана документ жүргүзүү сапатын жогорулатууга багытталган "Катасыз жазуу" акциясы өттү.
Ведомстводон маалымдашкандай, иш-чара К. Дикамбаев атындагы Дипломатиялык академиясы менен биргеликте уюштурулду.
Акциянын алкагында катышуучуларга расмий документтерди жазуу жана тариздөө маселелери боюнча инструктаждар жана консультациялар өткөрүлдү. Мамлекеттик тилдеги кызматтык кат алышууларга бирдиктүү талаптарды сактоо маселелерине өзгөчө көңүл бурулду.
Өткөрүлгөн акция дипломаттардын кесиптик маданиятын өркүндөтүүгө жана аткарылган ишке жоопкерчиликтүү мамилесин калыптандырууга багытталды.
