Бишкек, 17.07.25. /Кабар/. Президенттин Жалал-Абад облусундагы өкүлү Тилек Текебаев Сузак районунун Миң-Өрүк айылындагы мектептин курулушу менен таанышты. Бул тууралуу өкүлчүлүктөн билдиришти.
Маалыматка ылайык, 750 окуучуга ылайыкташкан заманбап мектеп Эгемендүүлүк күнүнө карата пайдаланууга берилүүсү күтүлүүдө. Мектептин эски имараты техникалык жактан эскиргендиктен, учурда анын ордуна жаңы билим берүү жайы курулууда.
Облус башчысы Тилек Текебаев курулуштун сапаттуу жүрүшүн камсыздоо менен катар, иштерди белгиленген мөөнөткө чейин ылдам жана так бүткөрүү зарылдыгын эскертти.
Мектептин курулушу республикалык бюджеттен каржыланууда.
