Бишкек, 25.08.25. /Кабар/. Бүгүн президенттин Иш башкармалыгына алдындагы "Кызмат" мамлекеттик мекемесине Тажикстандын биринчи премьер-министринин орун басары Хусрав Холикзода баштаган делегация расмий визит менен келди.
Мекемеден билдиришкендей, сапардын алкагында конокторго Кыргызстанда ишке ашырылып жаткан негизги санариптик долбоорлор – "Коопсуз шаар" системасы, "Инфодокс", булуттук чечимдер, G-Cloud платформасы жана Кызмат-ID тааныштырылды.
Айрыкча делегациянын кызыгуусун жараткан электрондук документ жүгүртүү тутуму болду. Ал мамлекеттик органдардын өз ара иштешүү процесстерин ылдамдатууга, бюрократиялык процедураларды кыскартууга жана канцеляриялык жабдууларга, жеткирүү кызматтарына болгон бюджеттик чыгымдарды олуттуу үнөмдөөгө мүмкүнчүлүк берет.
Жолугушуунун жүрүшүндө тараптар санариптештирүү жаатында тажрыйба алмашуунун маанилүүлүгүн белгилешип, заманбап IT-чечимдерди киргизүү боюнча мындан аркы кызматташууга даяр экендигин билдиришти.
