Ташкент, 16.11.25. /Кабар/. 15-ноябрда Ташкент шаарында Борбор Азия мамлекеттеринин башчыларынын 7-консультативдик жолугушуусуна катышкан өлкө жетекчилеринин урматына кооз салют көрсөтүлдү, деп маалымдайт кабарчыбыз.
Кечки убакытта атылган фейерверк шаарды шаң-шөөкөткө бөлөп, борбор калаада майрамдык маанай жаратты.
Ташкенттин тургундары жана шаарга келген меймандар мындай кооздукту коомдук жайларда жана борбордук аянттарда топтолуп көрүштү.
Эксперттердин белгилегендей, бул иш-чара региондор аралык алакаларды чыңдоонун символу катары да мааниге ээ.
Саясий талдоочу Шаробиддин Тулагановдун айтымында, салют сыяктуу протоколдук иш-чаралар Борбор Азия өлкөлөрүнүн өз ара кызматташуусун жана биримдикке болгон умтулуусун көрсөтөт.
"Бул жалпы коомго оң маанай жаратып, региондогу достук мамилелерди баса белгилейт", — деди ал.
