Бишкек, 03.12.25. /Кабар/. Бүгүн Таш-Көмүр шаарына 10 атайын техника тапшырылды. Бул тууралуу президенттин Жалал-Абаддагы өкүлчүлүгүнөн билдиришти.
Маалыматка ылайык, техникаларды президенттин Жалал-Абад облусундагы өкүлү Тилек Текебаев тапшырды.
Анын ичинен 5 техника министрлер кабинети тарабынан бекитилген "Жалал-Абад облусунун Таш-Көмүр шаарын тездетилген социалдык-экономикалык жактан өнүктүрүүнү камсыз кылуу жөнүндөгү" иш-чаралар планына ылайык, республикалык бюджеттен бөлүнгөн 100 млн сомдун эсебинен сатып алынган.
Калган техникалар Европа өнүктүрүү жана реконструкциялоо банкы тарабынан каржыланган долбоордун алкагында алынган.
Облус башчысы Тилек Текебаев шаар тургундарын куттуктап, жаңы алынган техникалар калктын жашоо шартын жакшыртууга, шаар инфраструктурасын өнүктүрүүгө жана коммуналдык кызматтардын ишин натыйжалуу уюштурууга чоң салым кошоорун белгиледи.
