Бишкек, 17.04.26. /Кабар/. Таластын Айтматов районундагы Шекер айыл аймагында "Чыңгыз Ааламы" маданий-мемориалдык комплексинин реконструкция жана курулуш иштери уланууда.
Курулуш министрлигинен билдиришкендей, объекттин курулушу республикалык бюджеттен каржыланып, сметалык баасы 150 млн сомду түзөт. Учурда бетон куюу жумуштары жүрүп жатат.
Башкы планга ылайык, маданий комплекстин аймагында төмөнкү объекттерди куруу каралган:
- залкар жазуучу Чыңгыз Айтматовдун жаңы үй-музейи;
- заманбап кинотеатр;
- китепкана;
- мейманкана.
Белгиленгендей, долбоор тарыхый-маданий багыттагы ири демилгелердин бири болуп саналат жана өлкөдө маданий туризмди өнүктүрүүгө багытталган.
