Бишкек, 15.07.25. /Кабар/. Талас облусунда 21 миңден ашуун «акылдуу» эсептегич орнотулду. Бул тууралуу Талас электр тармактар ишканасы билдирет.
Маалыматка ылайык, бүгүнкү күндө облустун Айтматов, Манас, Бакай-Ата жана Талас райондорунда пландалган 35 688 даана акылдуу эсептегичтин ичинен 21 370 даанасы орнотулуп бүттү.
- Бакай-Ата районунда пландалган 7 800 даана эсептегичтин ичинен — 5 981 даанасы орнотулду.
- Айтматов району 11 360 даана эсептегич пландалып, анын 6 098 даанасы орнотулду.
- Талас району 11 328 даана эсептегичтин ичинен — 6 586 даанасы ийгиликтүү орнотулду.
- Манас району 5 200 даананын ичинен — 2 705 даанасы туташтырылды.
Акылдуу эсептегичтерди орнотуу иштери этап-этабы менен уланууда. Жаңы эсептегичтер электр энергиясын так эсептөөгө, бузулууларды өз убагында аныктоого, жоготууларды кыскартууга жана керектөөчүлөр үчүн төлөм процесстерин жөнөкөйлөтүүгө жардам берет.
