Бишкек, 03.06.25 /Кабар/. Чүй облусунун Панфилов районунун Жалпы дарыгерлик практика борбору (ЖДПБ) заманбап УДИ аппараты менен жабдылды.
Саламаттык сактоо министрлигинен билдиришкендей, бул жабдуу бейтаптарга ыкчам жана так диагностика жүргүзүүгө шарт түзүп, медициналык кызмат көрсөтүүнүн сапатын кыйла жогорулатууда.
Маалыматта белгиленгендей, УДИ дарыгери Аида Орунбаева жаңы жабдуулар медициналык мекеменин ишин кандайча өзгөрткөнүн айтып берген.
Анын айтымында, допплер функциясы бар жаңы жабдуу үч жогорку тактыктагы датчик жана принтер менен жабдылгандыктан, визуалдык көрүүнүн сапаты мурунку моделдерге салыштырмалуу бир топ жакшырды.
«Бул жабдуу мурда байкалбай калышы мүмкүн патологияларды аныктоого, изилдөөнү кыйла деталдуу жана так жүргүзүүгө мүмкүндүк берет», — деген дарыгер.
