Бишкек, 06.12.25. /Кабар/. Сузак районунун Кайрагач айылы таза суу менен толук камсыз болду. Бул тууралуу президенттин аймактагы өкүлчүлүгүнөн билдиришти.
Долбоорду ишке берүү иш-чарасына президенттин Жалал-Абад облусундагы өкүлү Тилек Текебаев, жергиликтүү бийлик өкүлдөрү, демилгечилер жана айыл тургундары катышты.
Аталган долбоор "Ас-Сафа борбору" фондунун каржылык колдоосу менен ишке ашырылып, жалпы 11 млн 339 миң сом жумшалган.
Облус башчысы Тилек Текебаев таза суу көйгөйүн чечүү — аймактарды өнүктүрүүдөгү негизги багыттардын бири экенин баса белгилеп, демилге көтөргөн жана каржылык колдоо көрсөткөн тараптарга ыраазычылык билдирди.
Өкүл Кара-Дарыя айыл аймагына 2025-жылы өзгөчө көңүл бурулганын белгилеп, аймакта ишке ашкан бир катар ири социалдык жана инфраструктуралык долбоорлорду атады.
Мындан тышкары, Текебаев Арал айылында жеке ишкер тарабынан курулган кичи футбол аянтчасын ачып берди.
