Бишкек, 11.07.25. /Кабар/. Сузак районуна караштуу Беш-Бала айылындагы №52 Арзыкулов атындагы заманбап мектеп быйыл пайдаланууга берилет.
Курулуш, архитектура жана турак жай-коммуналдык чарба министрлигинен билдиришкендей, билим берүү мекемеси 375 орунга ылайыкталган.
Долбоорго ылайык, мектептин жалпы аянты 1 734 чарчы метрди түзөт. Имарат үч негизги блоктон турат: эки кабаттуу окуу корпусу, өтмө галерея жана спорт залы.
Курулуш иштери 2023-жылы башталып, республикалык бюджеттин эсебинен каржыланууда.
Объектинин курулуш иштери Курулуш министрлигинин алдындагы Турак жай-жарандык курулуш департаменти тарабынан көзөмөлгө алынган.
