Бишкек, 04.10.25. /Кабар/. Сузакта өсүмдүктөрдүн карантини боюнча лабораториянын жаңы имаратынын курулушу жыл аягында аяктайт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Бүгүн министрлер кабинетинин төрагасынын орун басары - айыл чарба министри Төрөбаев имараттын курулуш иштери менен жеринен барып таанышып чыкты.
Лабораторияны куруу үчүн 2017- жылы аянты 0,25 га болгон жер тилкеси бөлүнүп берилген. 2024-жылдын декабрь айында өткөн тендердик конкурстун жыйынтыгы менен “Алтын доор” ЖЧК курулуш компаниясы жеңип чыгып, лабораториянын имаратын 2025-жылдын февраль айларынан баштап куруу иштери жүргүзүлүп жатат. План боюнча курулуш иштери ушул жылдын аягында аяктайт.
Дабораторияны курууга жалпы 67 млн 140,5 миң сом өлчөмүндө акча каражаты каралган. Анын ичинен:
- 39 млн 44 миң сом акча каражаты имаратты курууга;
- 27 млн 446, 5 миң сом лабораториялык жабдуулар менен жабдууга;
- 650 миң сом долбоорлук-сметалык документти даярдоого кеткен.
