Бишкек, 22.01.26. /Кабар/. Бүгүн Сузак районунун прокуратурасынын жаңы административдик имараты пайдаланууга берилди. Бул тууралуу Башкы прокуратурадан билдиришти.
Иш-чарага катышкан башкы прокурор Максат Асаналиев жаңы имараттын пайдаланууга берилиши аймактагы прокуратура органдарынын ишин сапаттуу деңгээлде жүргүзүүгө, жарандарды укуктук жактан ыкчам жана натыйжалуу тейлөөгө, ошондой эле кызматкерлер үчүн бардык шарттардын түзүлүшүнө өбөлгө түзөрүн билдирди.
Cузак районунун прокуратурасынын жаңы административдик имараты заманбап талаптарга ылайык курулуп, кызматкерлер үчүн иштөөгө ыңгайлуу шарттар жана жарандарды кабыл алууга ылайыкталган кеңири мүмкүнчүлүктөр менен камсыздалды.
