Бишкек, 17.07.26. /Кабар/. Өлкөдө органикалык өндүрүштү өнүктүрүү максатында Суусамыр өрөөнүндө дары чөптөр фестивалы жана "Ден соолук кербени" ийгиликтүү өттү.
Суу ресурстары, айыл чарба жана кайра иштетүү өнөр жайы министрлигинен билдиришкендей, иш-чара "Аймак" дары чөптөрдү, фитопродукцияны жана аарычылык продукцияларын өндүрүүчүлөрдүн кластердик ассоциациясы менен тиешелүү Департаменттин өнөктөштүгүндө уюштурулду.
Фестивалдын алкагында дары чөптөрдү өстүрүүнү кеңейтүү жана алардын экспортун жогорулатуу боюнча атайын резолюция кабыл алынды.
Кийинки дары чөптөр фестивалы Ысык-Көл облусунда өтөрү маалымдалды.
