Бишкек, 18.08.26. /Кабар/. Соода-өнөр жай палатасынын президиуму 10 өлкөдөгү жаңы өкүлдөрүн бекитти.
Мекемеден билдиришкендей, алар Өзбекстан, Испания, Швейцария, Кытай, Болгария, Иран, Индия жана Түркияда иш алып барышат.
"Жаңы өкүлдөрдүн негизги милдети кыргызстандык жана чет элдик ишкерлердин ортосунда түз байланыштарды түзүү, потенциалдуу өнөктөштөрдү жана инвесторлорду тартуу, ата мекендик продукцияны тышкы рынокторго чыгарууга көмөктөшүү болуп саналат", - деп айтылат маалыматта.
Ошондой эле алар бизнес-миссияларды, B2B жолугушууларды уюштуруп, кыргыз компанияларынын чет өлкөлүк рынокторго чыгышына колдоо көрсөтөт.
Соода-өнөр жай палатасынын өкүлдөрүнүн тармагын кеңейтүү Кыргызстандын соода-экономикалык байланыштарын чыңдоого, жаңы биргелешкен долбоорлорду ишке ашырууга жана инвестиция тартууга багытталган.
