Бишкек, 24.07.26 /Кабар/. Сокулук районунда президенттин жарлыгы менен "Эне даңкы" медалына татыктуу болгон энелер сыйланды. Бул тууралуу Сокулук райондук мамлекеттик администрациясынан билдиришти.
Район башчысы Илияз Ташкулов мамлекеттик сыйлыкка ээ болгон энелерди куттуктап, алардын үй-бүлөдөгү жана коомдогу ордун белгиледи.
Салтанатта Сокулук айыл өкмөтүнөн үч эне "Эне даңкы" медалы менен сыйланганы айтылды.
Иш-чаранын алкагында энелер үчүн демөөрчүлөрдүн колдоосу менен "Бейиш 2: Апама кат" көркөм тасмасы көрсөтүлүп, сый тамак уюштурулду.
