Бишкек, 22.09.25. /Кабар/. 15-21-сентябрда Чүй районундагы Шамшы-Туюк коругуна ак илбирсти аныктоо үчүн 27 сүрөткапкан орнотулду. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Сүрөткапкандар министрликтин Чүй регионалдык башкармалыгынын өзгөчө корголуучу жаратылыш аймактарынын аңчысы жана егери Япониядан келген окумуштуулар менен биргеликте орнотту.
Сүрөткапкандарды орнотуунун негизги максаты коруктун аймагындагы ак илбирстин санын аныктоо жана алардын жашоо чөйрөсүн илимий негизде изилдөө болуп саналат.
