Бишкек, 11.10.25. /Кабар/. Президенттин Баткен облусундагы өкүлү Айбек Шаменов жумушчу сапары менен Кадамжай районунда болду.
Өкүлчүлүктөн билдиришкендей, алгач район акими Болоткан Баяке уулу Баткен облусун өнүктүрүүгө багытталган 500 млн сомдун эсебинен райондо 2026-жылга пландалган долбоор менен тааныштырды.
Район жетекчилиги долбоордун максаты буга чейин курулушу башталып,бирок бүтпөй калган имаратты бүткөрүп, калкты тейлөөчү мамлекеттик органдарды жайгаштыруу менен элге кызмат көрсөтүүнүн сапатын жогорулатуу экенин белгиледи.
Андан соң Айбек Шаменов Кадамжай шаарындагы Металлург стадионун реконструкциялоо долбоору менен таанышты.
Андан соң Баяман баатыр жана Торговый базарларындагы абалды текшерди. Базардын санитардык абалы, иретке келтирүү аракеттери, жол коопсуздугу жана өрт коопсуздугу боюнча аткарылган иштерди карап чыкты.
Эске салсак, буга чейин облус башчысынын тапшырмасы менен базарларда мыйзамсыз курулуштар жана баш аламан соода жүргүзүү,санитардык абалы,коопсуздук маселеси боюнча атайын рейддер уюштурулуп,жетекчилерге тапшырмалар,базар ээлерине эскертүүлөр берилген.
Облус башчысы жетекчилерге жана базар ээлерине жарандардын коопсуздугу маанилүү экенин эскертип,жоопкерчиликтүү болууга чакырды.
