Бишкек, 26.03.26. /Кабар/. Ноокен районунун Шамалды-Сай шаарында 330 орундуу бала бакча капиталдык оңдоп-түзөөдөн кийин пайдаланууга берилди. Бул тууралуу президенттин Жалал-Абад облусундагы өкүлчүлүгүнөн билдиришти.
Маалыматка ылайык, капиталдык оңдоп-түзөө иштери республикалык бюджеттин эсебинен жүргүзүлүп, жалпы 36 млн 900 миң сомдон ашуун каражат жумшалган. Натыйжада имарат толугу менен жаңыланып, заманбап талаптарга ылайык бардык керектүү шарттар түзүлдү.
Ачылыш аземине катышкан облус башчысы Тилек Текебаев мекеме балдардын интеллектуалдык жана руханий өнүгүүсүнүн негизги баскычы экенин белгилеп, социалдык объекттерди куруу жана калыбына келтирүү - мамлекеттик саясаттын артыкчылыктуу багыттарынын бири экенин белгиледи.
Мындан тышкары, ыйгарым укуктуу өкүл акыркы жылдары Ноокен районунда аткарылып жаткан иштер, айрыкча билим берүү тармагындагы жетишкендиктер тууралуу жергиликтүү тургундарга маалымат берди.
