Бишкек, 29.07.25. /Кабар/. Президенттин Жалал-Абад облусундагы өкүлү Тилек Текебаев Шамалды-Сай шаарынын коммуналдык чарба кызматтарына атайын техникаларды тапшырды.
Өкүлчүлүктөн маалымдашкандай, аталган демилгени ишке ашырууга жалпы 9 млн 800 миң сом акча каражаты жумшалган. Анын ичинен 6 млн 751 миң сому Жалал-Абад облусунун өнүктүрүү фондунан каржыланып, калган сумма жергиликтүү өздүк салымдын эсебинен бөлүнгөн.
Тилек Текебаев Шамалды-Сай шаарынын тургундарын куттуктап, жаңы техникалар шаарды көрктөндүрүүдө, жашоочуларга көрсөтүлүүчү кызматтардын сапатын жогорулатууда жана коммуналдык иштерди аткарууда чоң жардам берерин баса белгиледи.
