Бишкек, 25.11.25. /Кабар/. Борбордук шайлоо комиссиясы Жогорку Кеңештин депутаттарын мөөнөтүнөн мурда шайлоого дагы 393 эл аралык байкоочуну аккредитациялады.
Ведомстводон билдиришкендей, катталган эл аралык байкоочулардын арасында төмөндөгү уюмдардын өкүлдөрү бар:
- Филиппиндин Шайлоолор боюнча комиссиясынын;
- КМШнын Байкоочулар миссиясынын;
- Түштүк Кореянын Кыргызстандагы элчилигинин;
- Түркиянын Кыргызстандагы элчилигинин;
- Кытайдын Кыргызстандагы элчилигинин;
- Ирандын Кыргызстандагы элчилигинин;
- Германиянын Кыргызстандагы элчилигинин;
- Монголиянын Кыргызстандагы элчилигинин;
- КМШнын Парламенттер аралык ассамблеясынын;
- Европа кеңешинин Парламенттик ассамблеясынын;
- ШКУ жана Европадагы коопсуздук жана кызматташтык боюнча уюмдун;
- Демократиялык институттар жана адам укуктары боюнча бюросунун өкүлдөрү.
Ошону менен бүгүнкү күнгө карата 30-ноябрда өтө турган шайлоого жалпысынан 770 эл аралык байкоочу аккредитацияланды.
