Бишкек, 04.02.26. /Кабар/. Бишкекте өтүп жаткан "В5 +1" бизнес форумунда АКШнын Түштүк жана Борбор Азия иштери боюнча атайын өкүлү Сержио Гор АКШнын Кыргызстанга карата визалык саясаттын катаалдашканы боюнча комментарий берди.
Анын айтымында, АКШнын визалык саясаты Борбор Азиянын конкреттүү бир өлкөсүнө каршы багытталган эмес.
Акыркы демилгелер дүйнө жүзүндөгү 70тен ашык өлкөгө багытталган.
"Биз мыйзамсыз миграцияга каршы көзөмөлдү күчөтүшүбүз керек. Ошондуктан коопсуздукту күчөтүү үчүн биз саясатыбызды кайра карап чыгууга аргасызбыз. АКШнын максаты - чек араларын сактоо", - деди ал.
