Бишкек, 21.05.26. /Кабар/. Өзгөчө кырдаалдар министринин биринчи орун басары Акылбек Мазарипов Акылбек Мазарипов Жалал-Абад облусунда сел жүргөн аймактарды кыдырып, жергиликтүү жерлердеги учурдагы абал менен таанышты.
ӨКМден билдиришкендей, иш сапардын жүрүшүндө Манас шаарында, ошондой эле Базар-Коргон, Аксы жана Ала-Бука райондорунда катуу жаан-чачындын кесепетинен пайда болгон сел көрүнүштөрүнүн кесепеттери боюнча аймактар текшерилип, мониторинг жүргүзүлдү.
Өзгөчө кырдаалдар министрлиги тарабынан сел коркунучун азайтууга багытталган алдын алуу иш-чаралары мындан ары да улантылып, кооптуу деп эсептелген тилкелер өзгөчө кырдаалдар министринин туруктуу көзөмөлүндө болот.
Учурда тиешелүү кызматтар тарабынан кырдаалды тактоо, мониторинг жүргүзүү жана калктын коопсуздугун камсыздоо боюнча иштер улантылууда.
Белгилей кетсек, 19-майда Жалал-Абад облусунда сел жүргөн.
