Бишкек, 13.03.25. /Кабар/. Күн мурун Бишкекте Сауд Аравия Падышачылыгынын элчилиги Рамазан айына карата ооз ачар уюштурду.
Ага элчи Ибрахим бин Ради Аль-Ради, Жогорку Кеңештин депутаттары, Кыргызстан мусулмандарынын азирети муфтийинин орун басары Абибилла Кадырбердиев, коргоо министри Бактыбек Бекболотов, дин аалымдары, бир катар элчилер, коомдук ишмерлер жана атайын чакырылган коноктор катышты.
Элчи Ибрахим бин Ради Аль-Ради келген конокторду Ыйык Рамазан айы менен куттуктады.
“Баардык жакшылыктарды Аллахым кабыл кылган болсун. Орозоңуздор кабыл болсун!”,-деди элчи.
