Бишкек, 11.12.25. /Кабар/. Республикалык ден соолукту чыңдоо жана массалык коммуникациялар борбору курч респиратордук вирустук инфекциялардын жана сасык тумоонун жайылышын болтурбоо үчүн бир катар алдын алуу чараларын сунуштады.
Адистердин айтымында, коомдук жайларда алдын алуу чараларын так сактоо маанилүү:
- коомдук жайларга баргандан кийин колду самындап жууп же антисептикалык каражаттарды колдонуңуз;
- оорунун белгилери бар адамдардан өзүңүздү алыс кармап, аралыкты сактаңыз;
- жуулбаган кол менен бетиңизге тийбеңиз;
- жөтөлүү же чүчкүрүү этикетинин эрежелерин сактаңыз. (Чүчкүргөндө же жөтөлгөндө мурдуңузду же оозуңузду чыканагыңыздын бүгүлгөн жери менен жабыңыз, болбосо бет аарчы колдонуңуз).
- коомдук жайларга барган учурда беткап колдонуңуз жана социалдык аралыкты сактаңыз.
Эгерде оорунун белгилери пайда болсо, үй-бүлөлүк дарыгерлерге кайрылуу зарыл.
