Бишкек, 14.07.25. /Кабар/. Сары-Булак – Арчалы – Оруктам унаа жолунун 6-11 чакырымдар аралыгына асфальт төшөлөт. Бул тууралуу Транспорт жана коммуникциялар министрлигинен маалымдашты.
Маалыматка ылайык, чыгымдар капиталдык салымдар беренесинин эсебинен каржыланат. Бүгүнкү күндө долбоордук-сметалык документтери даярдалууда.
Белгилей кетүүчү жагдай, аталган жол тилкеге катуу жааган жаан-чачын менен катар "Ак-Таш" ишканасынын оор жүк ташуучу унаалары жана Солтон-Сары багытына жүргөн жүк ташуучу техникалар жолдун тез бузулушуна алып келүүдө.
"Кыргызавтожол-Түндүк" мамлекеттик ишканасына караштуу №14 Жол тейлөө мекемеси тарабынан жолду калыбына келтирүү иштери үзгүлтүксүз жүргүзүлүп турат.
Сары-Булак – Арчалы – Оруктам жолу айына орто эсеп менен 1-2 жолу сүрүп-тегиздөө үчүн тейлөөгө алынган. Учурда аталган жолдун 65-70-чакырым аралыгында 1 даана автогрейдер иштеп, жолду тегиздөө иштерин аткарууда.
Белгилей кетсек, Сары-Булак – Арчалы – Оруктам автожолунун жалпы узундугу 176,7 км түзөт.
