Бишкек, 12.06.25. /Кабар/. Кыргызстандын самбо боюнча улуттук курама командасынын мүчөлөрү дүйнө кубогунда 4 медаль жеңди.
Дене тарбия жана спорт мамлекеттик агенттигинен билдиришкендей, мелдеш Армениянын Ераван шаарында өттү.
Эркектер арасында +98 кг чейинки салмакта күжүрмөн самбо боюнча Таласбек Нуралиев күмүш медалга ээ болду. Ошондой эле Саяк Бараканов (64 кг) жана Курманбек Замирбек уулу (79 кг) күжүрмөн самбо боюнча коло медаль ээ болушту.
Кыз-келиндер арасында 54 кг чейинки салмак категориясында Акак Үсөн кызы күжүрмөн самбо боюнча 2-орунду ээледи.
Белгилей кетсек, курама команда башкы машыктыруучу Азамат Казакбаевдин жетекчилиги алдында мелдешке катышты.
