Бишкек, 09.11.26. /Кабар/. Мамлекеттик салык кызматынын адистери кол өнөрчүлөргө ишкердикти каттоо жана салык төлөө тартибин түшүндүрүштү.
Ведомствонун маалыматын ылайык, окутуу ата мекендик кол өнөрчүлөр үчүн уюштурулган "Салттуу кол өнөрчүлүк тармагында маданий туристтик продуктыларды иштеп чыгуу" аттуу тренингдин алкагында өттү.
Анда кол өнөрчүлүк ишмердүүлүгүнө ылайыктуу салык режимдери, ишкердикти расмий каттоо жана жүргүзүү тартиби, ошондой эле салык тармагындагы реформалар жана санариптештирүү тууралуу маалымат берилди.
Жолугушууда катышуучулар өздөрүн кызыктырган суроолорду берип, ишмердүүлүгүндө кездешкен көйгөйлөр боюнча адистерден түшүндүрмө алышты.
