Бишкек, 31.07.26. /Кабар/. Мамлекеттик салык кызматы рейддик салыктык көзөмөлдүн жүрүшүндө 3,3 млн сомдук эсепке алынбаган азык-түлүк товарларын мыйзамсыз ташып келүү фактысына бөгөт койду.
Ведомстводон билдиришкендей, ЕАЭБге мүчө мамлекеттерден келген жүк ташуучу унааны текшерүү учурунда ар кандай азык-түлүк товарлары тиешелүү коштомо товардык документтерсиз ташылып баратканы аныкталган.
Алдын ала эсептөөлөргө ылайык, эсепке алынбаган товардын жалпы баасы 3,3 млн сомду түзөт.
Учурда бул факты боюнча тиешелүү текшерүү иш-чаралары жүргүзүлүүдө.
