Бишкек, 01.06.25. /Кабар/. Кыргызстандын жаа атуу спорту боюнча курама командасынын мүчөлөрү "Fetih Kupası" эл аралык мелдешинде 1 алтын жана 1 күмүш медалга ээ болушту.
Дене тарбия жана спорт мамлекеттик агенттигинен билдиришкендей, мелдеш 25-27-май күндөрү Түркиянын Стамбул шаарында өтүп, ага 40тан ашуун өлкөдөн келген 700дөн ашуун спортчу катышты.
Эркектер арасында Ынтымак Мурадил уулу жекелик мелдеште 1-орунду ээлеп, эл аралык мелдештин жеңүүчүсү аталды.
Ошондой эле кыз-келиндер арасында Асел Садырова жекелик мелдешинде 2-орунду ээледи.
Эске салсак, "Fetih Kupası" эл аралык мелдеши дүйнө чемпионатынан жогорку деңгээлде турат.
