Бишкек, 19.05.25. /Кабар/. Саламаттык сактоо министри Эркин Чечейбаев жумушчу сапарынын алкагында Ысык-Көл облустук бириккен ооруканасына караштуу "Ак-Суу" реабилитациялык бөлүмүнө барды.
Ведомстводон маалымдашкандай, министр мекеменин учурдагы абалы жана бейтаптар үчүн түзүлгөн шарттар менен таанышты.
Бүгүнкү күндө бөлүм 100 орунга ылайыкталып, оор илдеттерден жана хирургиялык операциялардан кийин калыбына келүү этабынан өтүп жаткан бейтаптарга жардам көрсөтөт. Мекеменин негизги корпусу 1987-жылы курулуп, 2012-жылы капиталдык оңдоодон өткөн. Ошол эле учурда эки кошумча имарат авариялык абалда болуп, эксплуатацияга жараксыз деп табылган — аларды бузуу пландалууда.
Министрдин сапарынын жүрүшүндө оорукана жетекчилиги менен бөлүмдүн өнүгүү келечеги жана аймактын учурдагы муктаждыктарын эске алуу менен инфраструктураны жакшыртуу мүмкүнчүлүктөрү талкууланды.
