Бишкек, 03.03.26. /Кабар/. 28-февралда Россиянын Карелия Республикасында Кыргызстандын жарандарынын катышуусунда жол кырсыгы катталган. Бул тууралуу Тышкы иштер министрлигинен билдиришти.
Маалыматка ылайык, Кыргызстандын Санкт-Петербург шаарындагы Башкы консулдугу учурда кырсыкка катышкан жарандардын өздүгүн аныктоо жана окуянын бардык жагдайларын тактоо боюнча ыкчам иш алып барууда.
"Башкы консулдук кырсыктан жабыр тарткан мекендештерибизге бардык зарыл болгон консулдук-укуктук жардамдарды көрсөтөт. Бул маселе министрликтин жана консулдуктун өзгөчө көзөмөлүндө", — деп айтылат маалыматта.
Учурда жабыркагандардын абалы жана кырсыктын себептери тууралуу кошумча маалыматтар такталууда.
